بصري: معاناة حقيقية نواجهها مع خدمة eSIM من شركات الاتصالات
بصري: معاناة حقيقية نواجهها مع خدمة eSIM من شركات الاتصالات
المربد تؤكد كفالة حق الرد وتنشر نص ما وردها
السلام عليكم،
أنا مواطن من البصرة، وأحب أوصل صوتي عبر قناة المربد المحترمة، بخصوص معاناة حقيقية نواجهها مع خدمة eSIM من شركات الاتصالات.
بكل دول العالم، المستخدم يقدر ينقل شريحة eSIM من جهاز إلى آخر بسهولة، عن طريق تطبيق أو موقع رسمي، بدون ما يراجع الشركة أو يدفع رسوم.
لكن بالعراق، لازم نروح للفرع، وندفع 10,000 دينار حتى بس ينطونا رمز جديد، وهذا الشي متعب وغير مبرر، خصوصًا إن العملية إلكترونية وما تحتاج كل هالإجراءات.
سؤالي:
ليش المواطن العراقي محروم من هالخدمة البسيطة؟
نطلب من هيئة الإعلام والاتصالات إعادة النظر، وتوفير حلول رقمية تواكب التطور العالمي.
نتمنى من قناة المربد توصل صوتنا