بصري يشكو مستشفى السياب ويناشد الصحة .. جهاز تفتيت الحصى عاطل
بصري يشكو مستشفى السياب ويناشد الصحة
.. جهاز تفتيت الحصى عاطل
المربد تنشر نص ما وردها وتؤكد كفالة حق
الرد
السلام عليكم
أريد توصلون صوتنا من خلال قناتكم الموقرة قناة المربد صوت الحق
والمظلوم،
بما يخص مستشفى السياب الحكومي، عدنا مراجعة اليوم علمود جهاز تفتيت
حصى الكلى صارلنا يومين نراجع المستشفى حتى نحصل جلسة تفتيت وتالي اليوم رحنه
ودخلنا للجهاز يكولون والله جهازنا مايبين الحصوة مايشتغل عطلان، زين أريد اسأل
مدير عام صحة البصرة دكتور عباس، ليش مخلين استشاري وليش مخلين موظفين على الجهاز
ويتقاضون راتب والجهاز مايشتغل وليش تاخذون ثمن باص 4 ألف وانتم تعرفون الجهاز
مايشتغل وتخلون المواطن كل يوم يراجع وينذل وتالي جهاز عطلان، زين وين فرق الصيانة
ومهندسين الأجهزة الطبية؟ جهاز جديد ومستشفى جديد شبسرعة عطل يعني لو نراجع
مستشفيات أهلية لو ماكو يطبنا مرض اللي ماعنده ثمن جلسات تفتيت الحصى بالاهليات
وين ينطي وجهه يموت لو وين يروح، إلى متى هذا الفساد والإهمال والتهاون بحياة
الناس إلى متى والله تعبنا نناشد منو حتى يسمعنا؟؟