انتقاد لتطبيق "بلي" .. مواطن: إذا أكتب بنية تجي حتى" لكزز" وإذا أكتب ولد تجي "سايبا"
انتقاد لتطبيق "بلي" .. مواطن: إذا أكتب بنية تجي حتى" لكزز" وإذا أكتب ولد تجي "سايبا"
المناشدة كما وردت للمربد وحق الرد مكفول
في المؤسسة
"السلام عليكم ياريت توصلون صوتنه لتطبيق بلي:
1- تطلب سيارة تجي الك غير نوعية وغير موديل واحتمال غير السايق ومن
تكلة يگول هسه بدلت السيارة وهو جاي صار واقع حال عليك تنجبر تصعد.
2- السيارات اغلبها تعبانه وماعندة تبريد وياريت من يطلع نوع
السيارة ورقمها تخلون سنة الصنع لان إلي جاي يجن تعبانات كلش مو مال شغل لا تبريد
ولا حدادة ولا دواخل بيه فايدة شلون سجلتوا ومن يجي وتكله ماعندك تبريد لو السيارة
تعبانه مايقبل.
3- بالنسبة للاسعار هاي الفترة أغلى من الشارع وحتى هاي إلي تخلوها
مثلا 3500 السايق اخذ 4 آلاف وهكذا بسبب ماعندة خردة.
4- إذا كتبت اسمك بالتطبيق باسم بنية أو أم فلان تجي السيارات
العالية والجديدة مثلا جيب وتوكسان وسورنتو وحتى جكسارة واحتمال حتى أبو اللكزز
مسجل وهي الأجرة 2000 دينار
وإذا تسجل باسم ولد أو أبو فلان تجيك سايبة لو مارك صفرة لو بطة
لو جيلي وأعلى شي النيسان سني
وشكراً لكم".