انتقاد من زبائن يطال مجمع جذع النخلة بالبصرة .. والرد مكفول
انتقاد من زبائن يطال مجمع جذع النخلة
بالبصرة .. والرد مكفول
المناشدة كما وردت نصا ..
"السلام عليكم
قبل فترة نزلتو مناشدة بخصوص تلكؤ مجمع جذع النخلة السكني قرب
المدينة الرياضية مجاور مجمع الآمال
كل الي ورد بالمناشدة صحيح و تلكؤ بالعمل من قبل إدارة المشروع
جدا واضح و سببو ضرر كبير لأصحاب الوحدات السكنية الي هواي بيهم ناس كاعدين
ايجارات و ذابين فلوسهم بالمجمع و كلشي ما محصلين منه و بالأسفل صور توضح حالة
المجمع و سوء الوضع بيه
لكن الصوج مو بالمربد كل الي سوته هو اعلان لكن الشخص المسؤول الي كان لقاء المربد معاه و هو الي كان يتحدث
عن المشروع و مع الأسف بسببه العالم اشترت بالمجمع و هو يعرف كل تفاصيل المشروع و
الناس كانت تثق فيه
هذا الرد هو توضيح للمناشدة السابقة الي وصلتكم و احنا أصحاب
الوحدات السكنية نبرّأ ذمة المربد أمام الله و أمام الناس و بنفس الوقت نذكرّ
المحافظ الشيخ اسعد العيداني شنو موقفه من هذا الوضع و هو على علم تام بهذا الأمر
و نريده ينصفنا".
