بسبب الكلاب السائبة في البصرة .. مواطن يوثق "مهزلة حقيقية" في العباسية
تشارك
الكلاب السائبة في البصرة المواطنين بكل شيء بدءا من الشوارع والارصفة وصولا الى
سياراتهم الشخصية، ما يشكل مخاطر واضرار يطالب معها الاهالي بضرورة وضع حد لها.
ورصد
احد البصريين كلبا يتربع على سيارته الشخصية "جكسارة" في مشهد دعاه الى
اطلاق مناشدة عبر المربد للمسؤولين المعنيين لوضع حد لهذه "المهزلة الحقيقية"
وفقا لوصفه.
المربد
تنشر نص ما وردها وتكفل حق الرد لاصحاب الشأن:
"أستاذنا
العزيز، انتم المربد صوت الناس، وأريد كلامي هذا يوصل لمحافظه البصرة، ولمدير البلدية والبيطرة:
إحنا
بالعباسية قاعد نمر بمهزلة حقيقية! الشارع متروس كلاب سائبة، مو جلب وجلبين..
صايرة مجاميع ! قاعد تصعد فوق سقف سياره و البنيد ، تنام عليها وتدمر وتشخط
سياراتنه
وأطفالنا
انحبسوا بالبيوت! صرنا نمنع الجهال يطلعون للشارع خوفاً عليهم من العض
والأذى.. بسببهن!
وتعرف
أستاذ شنو الصدمة؟ لما نخابر الشرطة 911 حتى نحمي حلالنا وجهالنا، يجاوبونا والله
روح جمع بلاغات من الشارع كله وخلي المنطقة كلها تخابر يلا نطلع مفرزة"!
يعني
هذا كلام يعقل؟ أني مواطن متضرر، أكعد أدك باب باب بالشارع حتى الجيران تبلغ، لو
هذا واجب الدولة والأجهزة الأمنية والخدمية؟
إحنا
نطالب المربد توصل هذا الصوت نريد حملة عاجلة من البلدية والبيطرة والشرطة يخلصون
العباسية من هاي الظاهرة، هاي حلال العالم وحياة أطفالنا مو رخيصة".