مناشدة من عوائل بصرية لمراعاة التعامل مع طلبة مصابين بمرض السكري
طالب أولياء أمور تلاميذ وطلبة مصابين
بمرض السكري في البصرة إلى ضرورة التعامل الحسن مع أولادهم وذلك لما يمرون به من
حالة مرضية تحتاج متابعة مستمرة وما يرافق ذلك من إنفاق مالية بغية توفير العلاج..
وهذا نص ماورد لنا:
قناة المربد المحترمين تعودنا عليكم
دائماً صوت المظلومين يا رب توصل هاي مناشدتنا للجهات المعنية...
بالنسبة لمرضى السكري الطلاب نناشد وزير
التربية هالله هالله بيهم أعتبرهم أولادك يا ريت لو توجه إدارات المدارس تراعي
وضعهم الصحي لأن كلنا على گد حالنا ما بينا حيل على أقساط المدارس الأهلية ما نريد
فوگ حالتهم الصحية نضيع مستقبلهم ونخليهم يتركون الدراسة بسبب المعاملة الصارمة من
قبل بعض الإدارات وعدم الإكتراث لحالتهم يعني مثلاً مديرة مدرسة أريد منها إجازة
لإن أبني متخربط ترد والله كلنا مرضى لو أروح أقيس سكره تگول شنو كل شوي جايتني لو
بالإمتحان يتخربط يرتفع سكره أو يهبط ما يساعدونه وأكو حالة صارت طالب بالعناية
المركزة ٩ أيام وعنده تقارير وكلشي يثبت من يرجع يفصله المدير وما يخليه يمتحن
وغيرها وغيرها
وأيضاً نناشد الجهات المعنية علمود شغلة
الراتب الخاص بمرضى السكري وين صار؟؟ عالأقل يساعدنا نصرفه على علاجاتهم وجزاكم
الله خير جزاء المحسنين.