مناشدة حول تأخر دوام طلبة الصيدلية بجامعة المعقل .. الرد مكفول
ناشد عدد من طلبة قسم
الصيدلة في جامعة المعقل الأهلية الجهات المعنية بالتدخل لمعالجة تأخر انطلاق
دوامهم لهذا العام الدراسي، مؤكدين أن جميع الجامعات الأخرى قد باشرت دوامها منذ 21
أيلول الماضي فيما ما زالوا بانتظار بدء الدوام في 10 تشرين الأول بسبب تأخر وصول الكوادر
التدريسية من مصر.
وقالوا للمربد في مناشدة نصها: "احنا طلاب
جامعة المعقل قسم الصيدلة كل الجامعات بدت دوام من يوم 21 مثل جامعة البصرة
والكنوز قسم الصيدلة صديقاتي كلهن هناك ومن يوم 21 داومن واخذن محاضرات ومختبرات
عملية وكوزات واحنا لحد هسه ما مداومين وحسب كلام الدكاترة يگولون يوم 10/10
الدوام والسبب الدكاترة المصريين ع ما يجون من مصر زين هذا الشي منو يتحمله تره
احنا نتحمل هذا الخلل السنة الفاتت تأخرنا أسبوعين عن الكليات كلها وبالأخير خلونه
نداوم كل يوميه وضغط علينه وكوزات وما ينطونه استراحة علمود يخلصون وهذا كله
بسببهم حتى مراجعة ما كنا نراجع بسببهم حتى بفترة الامتحانات تعبونه وگالوا ماكو
امتحان راح نسويلكم كوزات وتتجمع وبعدين سوولنا كوز واحد لكل مادة وره ما كملنا
الكوزات گالوا هذا المد مالتكم وخلوه درجاتنا تنزل كلها، وهاي السنة يردون يعودون هذا التصرف بحيث راح يخلونه
19 يوم بدون تدريس وبعدين من يجون يگلولنه والله ما نلحگ ويضلون يضغطون علينه لحد
ما نتعب ياريت توصل للوزارة والجهات المعنية، والسنة الفاتت جابولنا أساتذة عراقيين حتى يمشونه
ويشغلونه ومن اجو المصريين طلعوهم واجو الدكاترة المصريين ورجعوا عادوا المادة من
جديد".